TAROMBO

ARGA DO BONA NI PINASA

Tubu di tano tipang do anggo marga Nababan ima borsak Mangatasi si paitolu sian Toga Sihombing  siopat amai, songon naung gabe sada ni roha dimarga nababan dibahen ma partangiangan ari 13 bulan 10 siganup taon , mauliate ma tutu diangka natua-tua ni Nababan naung mambahen sisongon on,  ra on ma na tinagam ni roha nasida asa manjadi moment on pasadahon marga Nababan nanggo sanga pajumpang bohi  tung apala sahali sataon. Sasintongna tung nabisuk ma tutu nasida ala sahat tu sadarion mardalan do sangkap nasidai di bonapasogit manang na ditano parserahan.

Raja Mangambit tu Hitetano

tarombo-silsilah-arifin_page_16tarombo-silsilah-arifin_page_26Sepintas molo di bota halak sada marga dohot boru Nababan tontu anggo pamingkiran nasida par-Siborong-borong ma ra manang partano tipang ala tontu gumodang do sian i marga nababan manang sihombing siopat ama, Alai adong do marga nababan naung mangarerak tu habinsaran ima di huta HITETANO  , nangkok sian kec. Silaen manang sian matio kec. habinsaran laos ngadidokbe nueang sian HITETANO dohami  .Sian paidua anak ni op. Domi ima Tuan Sirumonggur anakna opat ima Siurat-urat, Op. Godang, Ulang Begu Dohot Tapiturutan dungi anak ni siurat-urat ima Marbona, Mangale Raja, Mangale Dongan, Mangale Bunga, tu toru muse Marbona anakna Op. Tinggi dohot Op. Lobi uditni muse sian Op. Lobi anakna Pamonai, Op. Bona dohot Tumonai marhuta ma di Huta Sibuntuon Siborong-borong alai mamungka huta ma Pamonai. Gomparan ni Pamona ma namangarerak tu hitetano 9(sia) ma anakna sian 2 tungganeboruna boru Simanjuntak (siboru tailan) sian lumban galagala Balige dohot boru Hutagaol ima :

  1. Pu Lahat
  2. Pu Manat
  3. Pu Jojor
  4. Marsahadat
  5. Pu Ramin
  6. Puntumording
  7. Puntuarus
  8. Pu Ringkar
  9. Parhassing

Adong do turiturian taringot Pamonai digoari ma ompung on Raja Mangambit . Di tinggki mangaririt siboru Tailan boru Simanjuntak tu huta lumban Galagala dipangido nanaeng simatuana do ima Datu Silo Simanjuntak na ingkon 7 (pitu) gaja parbolina dohot 7 hali 7 ursa parjuhutna nalao sinamot ni boruna ima Siboru Tailan, ra anggo tahi ni Datu Silo asa unang saut do borunai diririt Raja Mangambit (ai molo ni rimangan datung adong gaja anggo di tano batak ai dolok-dolok do sude ra datung boi gaja mangolu di daerah perbukitan songon na binoto tano batak di haliangi bukit barisan) ali dapotsa do gaja i dohot ursa inon alani hadatuon ni raja mangambit ai dipio ibana do gaja i sian hutani padang dohot ursai sian topi ni binanga ala marbaris baris do ursa minum uasan ai ninna angka parbinoto dang olo ursa sae marsobur anggo so sombu uasna jai dang mijur ibana nang pe ro parmaraan. Gabe longang ma Datu Silo di dok ma tu raja mangambit AI ISE DO HO? alusni Raja Mangambit BAHO DO AU  sai di dat-dati manungkun sai tong songoni alusna ala sai songon alusni Raja Mangambit gabe di dokma  si- BAHO laos di pasautma gabe helana, maringanan ma raja Mangambit di huta ni simatuana adong do mual di hutai ima lumban gala-gala goarna mual baho dilehon simatuana ma on ra gabe pauseang, sai jot-jot do parhutai mandok ” mual na dibaho-an” alani hatopna di do gabe “na-ibaho-an”  lamu leleng gabe “naibahoan” alani ditanda jolma raja Mangambit gabe NAIBAHO. Anggo binoto molo Naibaho marga ni  si Raja Oloan do alai ala sude halak batak mamboto i gabe sai dirimpu halak ma Gomparan ni raja mangambit  marga naibaho jala godang mambahen Naibaho di identitasna alani gabe sipata gabe sungkun-sungkun rohani halak “ai naibaho do halak on boasa dibahen nababan?” alai lam tu jolo lam mago be identitas naibaho on.

Mamungka huta do anggo Raja mangambit  tu Hitetano ala subang do rohana marhuta di huta ni simatuana, di pardalananna marhuta tu hitetano marpadan do Raja Mangambit dohot marga Sitorus Pane ima si Matasopiak gomparan ni Marbulang  naingkon nasida gabe sisada anak sisada boru alai lamu tujolo molo marga sitorus naung gabe dongan sapadan doi.

 Dungi lamu mangarerak ma muse tu huta naasing, tu Parsoburan, Sipange, Pagar Gunung, Labuhan Batu, Tano Jawa (adong do Hitetano dibahen nasida goarni huta di Tano Jawa on), sahat tu Rantau Parapat marpinompari ma nasida disi laos siani ma muse mangarerak tu tano parserahanna be.

Maulitate ma tutu anggiat ma lamu tu majuna marga Nababan gabe si jolma sitiruon di pangalaho, di pangkuling, dihaporseaon, nang di hatomanon asa gabe jolma natama di tonga-tonga ni bangsi tarlumobi ma di jolo ni Tuhan

Horas,…!

 

About these ads

Tentang nababanhitetano

Orang batak bilang, baliga do ni baligahon, barita do ni baritahon, kira-kira artinya "katakan apa yang kamu dengar dengan sebenar-benarnya

Posted on Januari 29, 2009, in TAROMBO and tagged . Bookmark the permalink. 2 Komentar.

  1. ra denggan do molo dijabarhon muse gomparan ni ompu na sia, mulai sian pulahat sahat parhasiing. anggo dang salah nomor 10 do molo pamona mangambit, berarti nomor 11 ma ompu na sia i.

    molo boi ni urut sude gomparan sian nomor 11 sahat tu nomor 21 , gabe tarida ma tarombo i. Family Tree Pamona Mangambittua menjadi informasi na representatif untuk diwariskan tu angka generasi selanjutna.

    ala ahu sian gomparan ni Pu Manat, luluanku ma dangkan dht angka rantingna. molo hira lengkap ba ni upload ma dison.

    boha pandapotmuna bea,..?

    ###
    setuju katua,

  2. Sebelumnya Perkenalkan Nama saya Justinus Nababan (No. 19).
    Sekedar ingin berdiskusi saja, kok beda ya Tarombonya, bedanya mulai dari silsilah Opung kita Siurat-urat.

    1. Klo berdasarkan tarombo saya dari si Urat-urat ke Parbona, Mangale Raja, Mangale Bunga dan Mangale Dongan.

    2. Dari Op. Lobi Kok beda, berdasarkan Tarombo saya Anak Pertama itu Pu. Bona (Raja Mangambit nai Borngin = Gelar yang diberikan Marga Simanjuntak) anak kedua Op. Tarugar dan yang siapudan Pamonai.

    3. Dari Pu. Bona mempunyai anak yaitu Op. Lahat op. manat, op. jojor, marsahadat, puramin, PUTURMINDANG (inilah Op saya) , putuarus, purikkhar dan purhassing.

    mohon koreksinya jika ada perbedaan.

    Mauliate

    Justinus Nababan

Tinggalkan Balasan

Isikan data di bawah atau klik salah satu ikon untuk log in:

WordPress.com Logo

You are commenting using your WordPress.com account. Logout / Ubah )

Twitter picture

You are commenting using your Twitter account. Logout / Ubah )

Facebook photo

You are commenting using your Facebook account. Logout / Ubah )

Google+ photo

You are commenting using your Google+ account. Logout / Ubah )

Connecting to %s

DATU MANGAMBE MANGAMBIT SILABAN

Horas ma dipamatang,Martua ma nang ditondi.

HITETANO BAH HO DO AHU

The green hill in habinsaran

WordPress.com News

The latest news on WordPress.com and the WordPress community.

Ikuti

Get every new post delivered to your Inbox.

%d bloggers like this: